Me6aR23eN 3ElOm 7eLwAn

شباب روش طحن شباب علوم حلوان
 
الرئيسيةاهلا بيكس .و .جبحـثالأعضاءالمجموعاتدخولالتسجيل

شاطر | 
 

 مجرد هرتلة

اذهب الى الأسفل 
كاتب الموضوعرسالة
زائر
زائر



مُساهمةموضوع: مجرد هرتلة   الجمعة فبراير 13, 2009 1:46 am

حقا لا توجد حرية .... حقا لا توجد مساواة ... حقا لا يوجد اى شئ فى هذا الدنيا مما ينادى به كل الذين يدعون انهم انما جاءوا لاصلاح الكون ... لا يوجد مايدعى حب ولا عدل ولا صدق ولا مساواة ولا حرية ولا ديموقراطية .... كل تلك الاشياء التى امتلات بها كتب الفلاسفة والادباء مجرد افكار واهية تسبح فى فضاء خيالهم , هم يدعون الناس الى تطبيقها ولكنهم انفسهم لا يطبقوها ... ولماذا نبعد كل هذا البعد دعونى اقدم لكم مثال من حياتنا المعاصرة . ... اختر اى مقدم لبرنامج من تلك البرامج التى تدعى انها تعالج قضايا الناس , واقترب قليلا من حياته الشخصية , ستجده يقول اى هراء من الذى يقال عن الحب والمساواة فى التعامل ويجب ان نتحلى بالديموقراطية حينما نعالج امورنا الشخصية والى اخر تلك الهرتلة .. ولكن انظر اليه عندما يعود الى منزله ستجده _ رغما عنه _ يطبق عكس ماقاله , لماذا ؟ هذا هو السؤال واجابته بسيطة للغاية تتكون من كلمة واحدة الا وهى لاننا بشر ..
لاننا بشر , كل تلك القيم التى نريد ان نتحلى بها لا تظهر الا كومضات فى حياتنا وسرعان ما تخبو . لاننا بشر , كل تلك القيم , لا تكون هى قيمنا الرئيسية , ولاننا بشر نريد ان نطبق هذا ولكننا لا نستطيع.... تلك هى الخلاصة ..



*******


احيانا يقول المرء انه ليس وحيد , حوله الكثير من الاقارب والاصدقاء والاهل والجيران وووو , كثير من الناس حقا ..ولكن من قال انه ليس وحيدا , ان الوحدة هى مكون رئيسى من مكوناتنا البشرية والحق يقال , انها لنعمة كبيرة من نعم الله علينا
اى انسان على وجه الارض هو وحيد , خلق وحيدا ويعيش وحيدا ويموت ايضا وحيدا ... كيف ؟
عندما يولد الانسان فانه ياتى من مكان كان به وحيدا , وينزل الى مكان اخر لا يعرف فيه احدا فبالتالى يكون وحيدا ... وعندما يموت يكون وحيدا ايضا , واسالونى انا فى هذا ... اثناء احتضار الانسان , يكون فى عالم اخر غير عالمنا المادى هذا ويالها من وحدة .... ومابين مولده ومماته يكون وحيدا ... كيف ؟ .. من منكم لديه صديق او اخ او اى بنى بنى ادم يعرف عنه كل شئ ... يشاركه كل شئ , يفرح معه ويحزن معه ايضا , بالطبع الكثير من البشر يفرحون لفرحنا ... ولكن كم منهم يفرحون معنا فرح حقيقى , من اعماق قلبه , يفرح وكأنه فرحه هو ... .؟ من منكم لديه شخص عندما ينظر فى عينيه يعرف حالته من الحزن او الفرح ..
كم شخص على وجه الارض يشعر انه وزوجته روحا واحدة فى جسدين ... لا تصدقوا كلام الروايات , فهى كانت محاولة منهم لتحسين صورة الواقع ....ألأمنا لا نفضى بها الى احد , اللهم الا قليلا منها الى اشخاصا نثق بهم ولكن عندما نجد الجميع يعرفون تلك الالام لن نثق بهم ثانية .... ربما لن نثق باحد ..
من منا لا يامن غدر الزمان ..؟ بالتاكيد مازال يوجد هؤلاء السذج الذين يعتقدون انهم سيظلوا فى النعيم الى الابد _ النعيم الذى يظنوه كذلك _ الى ان يعطيهم الزمان هذا الدرس الذى ولابد ان يتجرعه كل انسان , فيفقون من غفلتهم وينظرون حولهم لا يجدون احدا مما كانوا يظنون انه سيكون سندا لهم فى تلك الحياة , يجدون فقط الوحدة , وعندها يدركون انهم كانوا فى وحدة طيلة حياتهم وسيظلون بها الى الابد .. يحزنون كثيرا ثم يعتادون بعد ذلك عليها كحال البشر فى كل امورهم ....



*******

كان فيه حكاية اتقالتى زمان اوى وانا فى الاعدادية , قال ايه بقى ؟؟ كان فيه مرة تعلب واسد وفهد وذئب ( نمشيها كده عشان انا مش فاكر الحكاية بالظبط ) المهم بقى ... الاربعة دول طلعوا ف رحلة صيد واصطادوا مثلا غزالتين وبقرتين .. فجه الاسد ( الكبير طبعا ) وقال للفهد " قسم اللى اصطدناه , فراح الفهد قايله " انا والثعلب كل واحد مننا غزالة وانت والديب كل واحد منكم بقرة " قام الاسد ضربه كف مخبرين فمات على طول ... بص للديب وقاله " وزع ياخويا " الديب كان ناصح شوية فقاله " انا غزالة والتعلب بقرة وانت الباقى يا باشا " قام الاسد رزعه شلوت خبطه فى الشجرة اللى جنب الترعة فوقع فيها وغرق على طول
فبص للتعلب وقال " وانت يا حيلتها " التعلب بقى كان ناصح زيادة عن اللزوم فقال " يا جناب الكوماندة المهم , انت تاخد غزالة فى فطارك وبقرة ف غداك وغزالة ف عشاك والبقرة لبكرة , ده احنا لحم اكتافنا من خيرك ياغالى " ... ضحك الاسد اوى وقاله " انت واخد كورس توزيع غنايم ياض ولا ايه ؟" التعلب قاله وهو مطاطى راسه " لا يا كبير , بس اتعلمت من موت الديب والفهد "
خلصت الحكاية ... ايه لزمتها بقى ؟..لما الحكاية دى خلصت الاستاذ بصلنا كده وقالنا " شفتوا التعلب , صايع , بذكاء عرف ينقذ نفسه وطلع من المقلب بمكره , مش زى الهبل التانين ... ياريتكم كلكم تبقوا زى التعلب "
مكنش يعرف ان امنيته دى هتتحقق مش فى الفصل بس , لا ف الجيل كله ........ دلوقتى الحرامى بقى استاذ وذو ذكاء خارق , النصاب ده واد فهلوى بيعرف يسلك القرش , المنافق هو اللى بيعرف ازاى يمشى اموره عشان يوصل للى هو عايزه , ... وتلاقينا نقول بكل اسى وحزن " هو هيعمل ايه يعنى ؟؟؟ يشحت ؟"
طب سؤال , نفرض الفهد كان مكان التعلب , بمعنى تانى , لو كان التعلب هو اللى اتسال الاول وقال نفس اجابة الفهد , كان الفهد هيجاوب نفس اجابه التعلب ؟؟..انا اعتقد اه كان هيجاوبها , الموضوع مش موضوع ذكاء خارق من التعلب , الموضوع ان حظه كان حلو انه اتسال فى الاخر وهو كان ذكى حبتين فاستوعب الدرس , انما كان ممكن اوى اى حد مكانه يعمل اللى هو عمله , يعنى اذا كان الموقف يعتمد ع التوقيت مش ع الشخص .... طب واحد يقولى هو موقف التعلب ده يحترم يععنى ؟؟ ... لا طبعا , ابسلوتلى , هو تعب معاهم وشقى وطلع عين اهله لحد مااصطادوا الصيدة دى , ف الاخر مجهوده ده كله يروح فى الهوا عشان يرضى جناب الكوماندة المهم ... وعشان ايه يعنى ,؟ هيخسر حياته ؟؟؟ ......الا هى الحياة اغلى ولا كلمة الحق ؟؟
وكمان حكاية زى دى تبين ان المدرسين فى مصر عايزين مدرسين ليهم قبل مايكونوا هما مدرسين اساسا
شفتوا بقى ان العملية التعليمية عايزة معجزة تغير كل النظام الموجود ... مش عايزة فلوس بس على فكرة ... عايزة دماغ حلوة .


ف اخر الهرتلة دى
ياريت بقى كل واحد يقولى هو مين فى الشخصيات الاربعة دول
اسد ولا فهد ولا ديب ولا تعلب..
انا عن نفسى متحطش ف موقف مماثل بس ممكن اوى اكون اى واحد فى الاربعة
ومعلش بقى سامحونى ف الكلام كلمة دول
كان نفسى اقولهم
فقلتهم

وبس



وسلاموووووووووووووز
الرجوع الى أعلى الصفحة اذهب الى الأسفل
Lobe_aaa
مشرفة المطرقعين ف فيزيائي
مشرفة المطرقعين ف فيزيائي
avatar

انثى
عدد الرسائل : 724
تاريخ الميلاد : 06/04/1990
العمر : 28
الفرقة : التالته مؤقتا .... يارب نروح رابعه بقى
قسمك : رياضه وحاسب
الشخصية : crzay all the time
تاريخ التسجيل : 03/01/2009
نقاط : 1025

مُساهمةموضوع: رد: مجرد هرتلة   الجمعة فبراير 13, 2009 3:14 pm

بجد هرتلة جاااااااامدة جدا
يا خالد وانا معاك فيها لانها
فى منتهى الواقعية وكل اللى
فيها بيحصل فى الواقع اللى عايشينه
بس انا لوكنت مكان حد من الاربع
بصراحة معرفش هكون اى واحد
فيهم بس على فكرة كلمة الحق هى الاغلى طبعا
مش الحياة لان الحياة فانية ومش هيفضل
للبنى ادم غير كلمة الحق وبس
وميرسى على التوبيك الجامد ده
ومستنين الجديد منك دايما




_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
semsema
مشرفة قسم اسلاميات
مشرفة قسم اسلاميات
avatar

انثى
عدد الرسائل : 486
تاريخ الميلاد : 02/07/1989
العمر : 28
الفرقة : الثانيه
قسمك : مش عارفه
الشخصية : مطرقعه شعنونه
تاريخ التسجيل : 02/08/2008
نقاط : 344

مُساهمةموضوع: رد: مجرد هرتلة   الجمعة فبراير 13, 2009 5:11 pm


جمله قوي الكلام بتاعك ده يا خالد
بس لو قولتلي ابقى مين مين الشخصيات ديه
اكيد اي حد بيفكر كويس هيقول الفهد او الديب مع اني متحططتش في موقف زي ده ابدا
بس اموت وانا على الحق احسن لاني هتنازل مره زي التلعب هفضل انتازل طوووووووول عمري
ومش انا بس الاجيال الي ورايا كلها عشان اديت الاسد الحق انه يا خد حق غيره
وعلى فكره ديه من علامات الساعه
كان فيه حديث للرسول عليه الصلاه والسلام
فيما معنى الحديث يعني ان من علامات الساعه شبه المؤمنين المتمسكين بدينهم كالقابض على الجمر
هيه هيه صح ولا ايه صعب قوي ان حد يمسك جمر في ايديه بجد ده تشبيه جميل جدا من الرسول عليه الصلاه والسلام

والحديث ده بيبين كمان ان احنا حالتنا هتسؤ اكتر من كده كمااااان
بس الي يصبر ويتمسك بكلمه الحق لاخر نفس فيه
معلش يا خالد طولت عليك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: مجرد هرتلة   السبت فبراير 14, 2009 3:00 am

Lobe_aaa كتب:
بجد هرتلة جاااااااامدة جدا
يا خالد وانا معاك فيها لانها
فى منتهى الواقعية وكل اللى
فيها بيحصل فى الواقع اللى عايشينه
بس انا لوكنت مكان حد من الاربع
بصراحة معرفش هكون اى واحد
فيهم بس على فكرة كلمة الحق هى الاغلى طبعا
مش الحياة لان الحياة فانية ومش هيفضل
للبنى ادم غير كلمة الحق وبس
وميرسى على التوبيك الجامد ده
ومستنين الجديد منك دايما







ميرسي ع ردك يا لوبى

وفعلا كلمة الحق المفروض تبقى اغلى من الحياة

المفروض

وبس

وسلاموووووووووز
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: مجرد هرتلة   السبت فبراير 14, 2009 3:08 am

semsema كتب:

جمله قوي الكلام بتاعك ده يا خالد
بس لو قولتلي ابقى مين مين الشخصيات ديه
اكيد اي حد بيفكر كويس هيقول الفهد او الديب مع اني متحططتش في موقف زي ده ابدا
بس اموت وانا على الحق احسن لاني هتنازل مره زي التلعب هفضل انتازل طوووووووول عمري
ومش انا بس الاجيال الي ورايا كلها عشان اديت الاسد الحق انه يا خد حق غيره
وعلى فكره ديه من علامات الساعه
كان فيه حديث للرسول عليه الصلاه والسلام
فيما معنى الحديث يعني ان من علامات الساعه شبه المؤمنين المتمسكين بدينهم كالقابض على الجمر
هيه هيه صح ولا ايه صعب قوي ان حد يمسك جمر في ايديه بجد ده تشبيه جميل جدا من الرسول عليه الصلاه والسلام

والحديث ده بيبين كمان ان احنا حالتنا هتسؤ اكتر من كده كمااااان
بس الي يصبر ويتمسك بكلمه الحق لاخر نفس فيه
معلش يا خالد طولت عليك



ميرسي ع ردك ياسمسمة


فعلا احنا حالتنا منيلة والله

ولا طولتى ولا حاجة

ده انتى تنورى

وسلاموووووووووووز
الرجوع الى أعلى الصفحة اذهب الى الأسفل
لؤلؤة
مشرفة المطرقعين ف بيولوجى
مشرفة المطرقعين ف بيولوجى
avatar

انثى
عدد الرسائل : 819
تاريخ الميلاد : 01/01/1989
العمر : 29
الفرقة : التالتة
قسمك : Microbiology
الشخصية : عندما تجد نفسك حزينا تذكر الله و عندما تجد نفسك سعيدا احمد الله فأنت دائما مع الله
تاريخ التسجيل : 07/07/2008
نقاط : -1

مُساهمةموضوع: رد: مجرد هرتلة   الأحد فبراير 15, 2009 1:23 am

احييك على التوبيك ده يا فامبير

بالنسبة لعرض مبادىء كتير فى بداية موضوعك فكالعادة منكدبش على نفسنا لأنها موجودة فى الحياة و عشان الواحد يحاول يلاقيها بيحارب حرب استماتة عشان بس يحقق و لو مبدا واحد!!!

بالنسبة للوحدة انا عن نفسى شايفة ان الوحدة أخلص صديق و أخلص طريق يسمع الواحد و يرد عليه بسكوته بس بتريح كتير جدااا و كمان بتخلّى الواحد يفصل من الموود اللى هو فيه و اكييد طبعا يرجع للناس مرة تانية بس بيحتاج يفصل!!!

بالنسبة للقصة اللى عرضتها فى النهاية فكان فيها ذكاء من شخصياتها و عدم ذكاء من المدرس اللى حكاها!!!
ماشاء الله ع التعليم و اللى بيعلموه لا بجد يحتاجوا صقفة على القيم اللى بيوصلوها للأطفال
الواحد هيطمن فعلا على ولاده لما يعلمهم !!!!!!!!!!
انا عن نفسى مش عارفة ممكن اتحط فى موقف مين من دوول بس اطلع اى شخصية بس امووت الف مرة ولا اطلع مكان التعلب

تقبل مرورى
فى امان الله...

_________________
أشهد ان لا اله الا الله و أشهد أن سيدنا محمد رسول الله
رضيت بالله ربا..و بالاسلام دينا..و بسيدنا محمد صلى الله عليه و سلم نبيا و رسولا..و بالمؤمنين أخوة
إذا رفع العبد يديه للسماء وهو عاصى فيقول يارب فتحجب الملائكة صوته.. فيقول يارب فتحجب الملائكة صوته..فيقول يارب فتحجب الملائكة صوته.. فيقول يارب فى الرابعة.. فيقول الله عز وجل: إلى متى تحجبون صوت عبدى لبيك عبدى لبيك عبدى لبيك عبدى لبيك سبحانك ياالله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.yahoo.com
زائر
زائر



مُساهمةموضوع: رد: مجرد هرتلة   الأربعاء فبراير 18, 2009 11:31 pm

لؤلؤة كتب:
احييك على التوبيك ده يا فامبير

بالنسبة لعرض مبادىء كتير فى بداية موضوعك فكالعادة منكدبش على نفسنا لأنها موجودة فى الحياة و عشان الواحد يحاول يلاقيها بيحارب حرب استماتة عشان بس يحقق و لو مبدا واحد!!!

بالنسبة للوحدة انا عن نفسى شايفة ان الوحدة أخلص صديق و أخلص طريق يسمع الواحد و يرد عليه بسكوته بس بتريح كتير جدااا و كمان بتخلّى الواحد يفصل من الموود اللى هو فيه و اكييد طبعا يرجع للناس مرة تانية بس بيحتاج يفصل!!!

بالنسبة للقصة اللى عرضتها فى النهاية فكان فيها ذكاء من شخصياتها و عدم ذكاء من المدرس اللى حكاها!!!
ماشاء الله ع التعليم و اللى بيعلموه لا بجد يحتاجوا صقفة على القيم اللى بيوصلوها للأطفال
الواحد هيطمن فعلا على ولاده لما يعلمهم !!!!!!!!!!
انا عن نفسى مش عارفة ممكن اتحط فى موقف مين من دوول بس اطلع اى شخصية بس امووت الف مرة ولا اطلع مكان التعلب

تقبل مرورى
فى امان الله...




ميرسي ع مرورك يا لؤلؤة

شفتى بقى التعليم عامل ازاى ؟؟؟

بلا مدارس بلا جامعة
ههههه

يالا

سلاموووووووووز
الرجوع الى أعلى الصفحة اذهب الى الأسفل
 
مجرد هرتلة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Me6aR23eN 3ElOm 7eLwAn :: مبدعون علوم :: الخواطر-
انتقل الى: