Me6aR23eN 3ElOm 7eLwAn

شباب روش طحن شباب علوم حلوان
 
الرئيسيةاهلا بيكس .و .جبحـثالأعضاءالمجموعاتدخولالتسجيل

شاطر | 
 

 سلمى يا سلامة...رحنا و جينا بألف طيابة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لؤلؤة
مشرفة المطرقعين ف بيولوجى
مشرفة المطرقعين ف بيولوجى
avatar

انثى
عدد الرسائل : 819
تاريخ الميلاد : 01/01/1989
العمر : 28
الفرقة : التالتة
قسمك : Microbiology
الشخصية : عندما تجد نفسك حزينا تذكر الله و عندما تجد نفسك سعيدا احمد الله فأنت دائما مع الله
تاريخ التسجيل : 07/07/2008
نقاط : -1

مُساهمةموضوع: سلمى يا سلامة...رحنا و جينا بألف طيابة   الأربعاء فبراير 11, 2009 11:57 pm

هربت منك يا دنيا...حاولت أروح دنيا تانية
لقيت الدنيا هى الدنيا...بس اللى يفرق روح مخاليقها
النفوس مليانة وجع... ومن الجراح بتنزف ألم
و الجارح بيجرح ولا بيهمه...يوجع قلب و ينزف دمع
و الذكريات بقت ماضى...و ايه الجديد يا قاضى
ما تحكم علينا بالحبس وراء القضبان و ياما فى الحبس مظاليم
لما نبكى نخاف من الضعف و أما نضعف نخاف من القهر
و فى النهاية الجانى واحد ميستاهلش لا سما ولا أرض
موجوعين من الزمان و احنا غلابة يا ديابة
بتنبشوا بمخاليبكم فى قلوبنا من غير شفقة ولا رحمة
عجبتكم لعبة العذاب اللى لا فيها نبض ولا احساس
حابّين نعيش فى دايرة الموت
نشوف دموع غيرنا ولا بنكلف نفسنا نجفف مجرى دموعهم!!!
و اللى يضحّكك يا دنيا...يوم ما تسألى الظالم
يقولك و أنا مالى هو أنا الدنيا!!..كلنا موجوعين...اتوجعى زينا
و سلام يا قلب اترمى مفتاحه فى بير غويط مليان أسرار
بلعه حوت كبير فرحان انه ملك قلب انسان
و بين أنيابه ضحكة شريره و بطنه مليانه من لحوم البشر
ولا قدّر فى يوم أنه مخلوق زى مخاليق ربنا
ولا قدّر فى يوم وقفته قدام ربنا!!!
و زمن راح قضّاه بالطول و العرض...و يقول أنا شاب و هعيش الدنيا
لا بنقدّر ركوعنا بين ايدين ربنا ولا سجدتنا للرحمن لعله يغفر لنا
نحاول نصبر نفسنا بذكرى بعيدة ... يمكن تكون من أيام آدم و أمنا حوا
ياااه دى بعيدة أووى..و من عجزى مش قادر اروح لها
لا بنفكر فى غيرنا ولا قد ايه ظلمنا دنيتهم
طب بس قولولى يا ناس...اجرى اروح فين من الدنيا
عايز استخبى جنب حيطة قصيرة ظلها أحس فيه بأمان
و الغريبة فيكى يا دنيتنا...أن الظلمة بقت طوق نجاة لنفسنا
بقينا نحس بأمان الظلام!!! حتى لو فيه الحرمان
طب هنتحرم من ايه اكتر من كده ...ما كله بقى محصّل بعضه
الكلام لا بيروح ولا بيودّى...فى طريقه ماشى ولا بيهدّى
أتمنى أشوف الدنيا بتضحك ...و بين دراعاتها تخدنى فى حضنها
و أعيش مبسوط.. و لا أشيل هم جروح ... ولا يكون القلوب مكسورة
أتمنى نعيش لربنا و فى حياتنا نشيل ظلم الناس عننا
يا سقراط دى مش المدينة الفاضلة...دى مدينة غير جنة ربنا
الجنة يا بشر فى الدنيا و الآخرة...و حلمها مبيفارقش خيالنا
أصل الجنة مش عيشة هنية و بس يا دنيا
الجنة أنك تعيش وسط الناس الطيبة
تعيش بين قلوب رحيمة...و تسامح ولو كان فوق راسها مآسى
الجنة أنك تعيش مرتاح و نفسيتك من الهم تنزاح
تطير لفوق فى العالى فى السما مع ناس تفهم وجودك
طايرين لفوق مح حلم عمرنا ...و الأمل ساكن جوه قلبنا
متقولش الفرصة راحت خلاص..دى الاشارة الخضرا بيديها ربنا لكل الناس
يوم ما تلاقيها متترددش ولا تكسل
روح و عدّى قبل ما المرور يتكنسل
و سلّمى يا سلامة رحنا و رجعنا بألف طيابة
من عيون صافية منورة...شايفة الطريق قدامها متمهدة
أحلم و عيش أمانيك...أصل اللى فاضل فى الدنيا قد ايه
ده احنا خلاص هنجيب العشرين من عمرنا..و فاكرين ان كبر سننا
الشباب شباب الروح..و القلب عمره فى يوم ما هيموت
و الذل عمره فى يوم ما هيبقى شعار أيامنا ولا هيبقى دنيتنا
لا الهروب هو الحل...و لا الحيطة هى الستر..و لا الضياع هو الأمل..ولا الكلام عمره ما هينتهى
موواويل عم صبحى و وهدان..على نهر النيل بيعزفوا ألحان
و يا صحبجية اتلموا حوالينا...نقول ع النيل احلى سيمفونية
و العصافير فوق كتافى ملمومة ..و السمك تحت رجليا بيرقص و متهنى
ع المركب الصغيرة ديّا اطلع بينا يا مراكبية
نغنى و نتفرج ع الدنيا...و نضحك ع اللى فات و نصحح عيوبنا
حابيّن نحلم بأحسن حال
و نجدّف بدراعتنا و العيون سارحة ف حلم بعيد
و سلمى يا سلامة... رحنا و رجعنا بألف طيابة

_________________
أشهد ان لا اله الا الله و أشهد أن سيدنا محمد رسول الله
رضيت بالله ربا..و بالاسلام دينا..و بسيدنا محمد صلى الله عليه و سلم نبيا و رسولا..و بالمؤمنين أخوة
إذا رفع العبد يديه للسماء وهو عاصى فيقول يارب فتحجب الملائكة صوته.. فيقول يارب فتحجب الملائكة صوته..فيقول يارب فتحجب الملائكة صوته.. فيقول يارب فى الرابعة.. فيقول الله عز وجل: إلى متى تحجبون صوت عبدى لبيك عبدى لبيك عبدى لبيك عبدى لبيك سبحانك ياالله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.yahoo.com
Lobe_aaa
مشرفة المطرقعين ف فيزيائي
مشرفة المطرقعين ف فيزيائي
avatar

انثى
عدد الرسائل : 724
تاريخ الميلاد : 06/04/1990
العمر : 27
الفرقة : التالته مؤقتا .... يارب نروح رابعه بقى
قسمك : رياضه وحاسب
الشخصية : crzay all the time
تاريخ التسجيل : 03/01/2009
نقاط : 1025

مُساهمةموضوع: رد: سلمى يا سلامة...رحنا و جينا بألف طيابة   الخميس فبراير 12, 2009 12:07 am

حلو يا لؤلؤة وربنا يوفقك
ومستنين المزيد ان شاء الله
سلاااااااااااااااااااااااااااااام


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
wahsh
مشرف المطرقعين ف فيزيائي
مشرف المطرقعين ف فيزيائي
avatar

ذكر
عدد الرسائل : 550
تاريخ الميلاد : 01/10/1988
العمر : 29
الفرقة : الثالثة ان شاء الله
قسمك : كيميا سبيشيال
الشخصية : عادي
تاريخ التسجيل : 25/06/2008
نقاط : 291

مُساهمةموضوع: رد: سلمى يا سلامة...رحنا و جينا بألف طيابة   الخميس فبراير 12, 2009 1:12 am

اهنيكي يا لؤلؤة علي الخاطرة دي كفكرة اولا بجد
لانها ممتازة
وفي افكار جميله اوي
اجملها بجد نكرانك لان الضل يكون مصدر احساسنا بالامان

الله عليكي بجد

اما التعبيرات بقي
في كذا حاجة عجبوني اوي اوي

و الذكريات بقت ماضى...و ايه الجديد يا قاضى


يوم ما تلاقيها متترددش ولا تكسل
روح و عدّى قبل ما المرور يتكنسل



لالالالالالالالالالالالالا ما شاء الله عليكي
يا ريت تجربي تكتبي شعر كدا
هتعدي والله
تسلم الايادي
وتقبلي مروري الطويل والممل دا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لؤلؤة
مشرفة المطرقعين ف بيولوجى
مشرفة المطرقعين ف بيولوجى
avatar

انثى
عدد الرسائل : 819
تاريخ الميلاد : 01/01/1989
العمر : 28
الفرقة : التالتة
قسمك : Microbiology
الشخصية : عندما تجد نفسك حزينا تذكر الله و عندما تجد نفسك سعيدا احمد الله فأنت دائما مع الله
تاريخ التسجيل : 07/07/2008
نقاط : -1

مُساهمةموضوع: رد: سلمى يا سلامة...رحنا و جينا بألف طيابة   الخميس فبراير 12, 2009 2:02 am

المترددة كتب:
حلو يا لؤلؤة وربنا يوفقك
ومستنين المزيد ان شاء الله
سلاااااااااااااااااااااااااااااام






ربنا يخليكى يا لوبى بجد و نورنى مرورك
و ربنا يوفقك انتى كمان

_________________
أشهد ان لا اله الا الله و أشهد أن سيدنا محمد رسول الله
رضيت بالله ربا..و بالاسلام دينا..و بسيدنا محمد صلى الله عليه و سلم نبيا و رسولا..و بالمؤمنين أخوة
إذا رفع العبد يديه للسماء وهو عاصى فيقول يارب فتحجب الملائكة صوته.. فيقول يارب فتحجب الملائكة صوته..فيقول يارب فتحجب الملائكة صوته.. فيقول يارب فى الرابعة.. فيقول الله عز وجل: إلى متى تحجبون صوت عبدى لبيك عبدى لبيك عبدى لبيك عبدى لبيك سبحانك ياالله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.yahoo.com
لؤلؤة
مشرفة المطرقعين ف بيولوجى
مشرفة المطرقعين ف بيولوجى
avatar

انثى
عدد الرسائل : 819
تاريخ الميلاد : 01/01/1989
العمر : 28
الفرقة : التالتة
قسمك : Microbiology
الشخصية : عندما تجد نفسك حزينا تذكر الله و عندما تجد نفسك سعيدا احمد الله فأنت دائما مع الله
تاريخ التسجيل : 07/07/2008
نقاط : -1

مُساهمةموضوع: رد: سلمى يا سلامة...رحنا و جينا بألف طيابة   الخميس فبراير 12, 2009 2:11 am

wahsh كتب:
اهنيكي يا لؤلؤة علي الخاطرة دي كفكرة اولا بجد
لانها ممتازة
وفي افكار جميله اوي
اجملها بجد نكرانك لان الضل يكون مصدر احساسنا بالامان

الله عليكي بجد

اما التعبيرات بقي
في كذا حاجة عجبوني اوي اوي

و الذكريات بقت ماضى...و ايه الجديد يا قاضى


يوم ما تلاقيها متترددش ولا تكسل
روح و عدّى قبل ما المرور يتكنسل



لالالالالالالالالالالالالا ما شاء الله عليكي
يا ريت تجربي تكتبي شعر كدا
هتعدي والله
تسلم الايادي
وتقبلي مروري الطويل والممل دا




كلامك يا وحش القصايد شرف ليا اكييد و بجد
و الحمد لله ان الخاطرة عجبتك و لو على كتابة الشعر فانا مش عارفة بس لما تيجى الفكرة او كده بتيجى ياما على وزن القافية
او الطريقة النثرية بس هحاول باذن الله و شكرا على رأيك اللى شرفنى اكييد اعتز بيه
و اكتر من حقى كمان
مرورك شرفنى و رأيك يا دكتور
و مرور مش طويل ولا حاجة بالعكس اسعدنى و كمان زودلى وجهة نظر نقدية بنّاءة
جزاك الله خيرا
فى أمان الله....

_________________
أشهد ان لا اله الا الله و أشهد أن سيدنا محمد رسول الله
رضيت بالله ربا..و بالاسلام دينا..و بسيدنا محمد صلى الله عليه و سلم نبيا و رسولا..و بالمؤمنين أخوة
إذا رفع العبد يديه للسماء وهو عاصى فيقول يارب فتحجب الملائكة صوته.. فيقول يارب فتحجب الملائكة صوته..فيقول يارب فتحجب الملائكة صوته.. فيقول يارب فى الرابعة.. فيقول الله عز وجل: إلى متى تحجبون صوت عبدى لبيك عبدى لبيك عبدى لبيك عبدى لبيك سبحانك ياالله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.yahoo.com
 
سلمى يا سلامة...رحنا و جينا بألف طيابة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Me6aR23eN 3ElOm 7eLwAn :: مبدعون علوم :: الخواطر-
انتقل الى: