مشروع " تعالوا نعيشها بجد"

السلام عليكم و رحمة الله و بركاته

ازيكم يا فيزيائية جميعا ...اسفة للازعاج لكن انا خبطت على الباب قبل ما ادخل القسم و يا ريت تتقبلوا مرورى

سيتم عمل اول مشروع تنفيذى عن طريق هذا المنتدى اسمه" تعالوا نعيشها بجد" و الفكرة دى طلعت بتوارد الخواطر قبل ما انشرها عند دكتور طمطم كمان فياريت اللى يحب يشارك يسجل معنا و هنظبطها و ننظمها مع بعض

طبعا بسمعكم تقولوا هنعمل ايه؟؟؟ و ازاى؟؟؟؟؟؟
هجاوبكم باننا هنعمل اللى نقدر عليه ان شا الله لو مش هنطلع من البيت خااااالص
الموضوع سهل جداااااااا

لحد دلوقتى فى افكار تحتاج الحركة مننا منها تجميع الهدوم المستعملة ( كل واحد هيجمع الهدوم اللى عنده و يغسلها و يكويها و نجمعها و نسلمها لاى جمعية خيرية او للمحتاجين

الافكار اللى مش هتكلفك تخرج من البيت الا و انت خارج فعلا يعنى فى طريقك!!!
**فكرة افطار صائم و هى بسيطة جداااااااااا...زهتقولوا ازاى؟؟؟؟..... تعرفوا اننا مش هنحتاج نعمل موائد للطعام فى رمضان!!!!!!!!
هتقولوا ازاى هرد عليكم و اقول لكم اننا هنوزع تمر و نغلفه و كل واحد اذا اعطى اى حد للتانى تمرة و شكلها حلو كده و معرفش يوصل بيته فى المعاد المناسب فى رمضان و فطر عليها و اكلها كده هتاخد ثواب افطار صائم.....

** الدعوة الى الله: و الفكرة برده سهلة هى توزيع اذكار مطبوعة طبعا مش فى الشارع لاء طبعا كل واحد يبقى معاه واحدة بمجرد انه يديها للتانى هياخد ثواب بالاضافة للسبح و شرائط و سى دى دينية

** مجهود فردى: هيعتمد على موبايلك و كمبيوترك و هو انك هتبعت ادعية و دينية على الموبايل و ع النت ع الشات حتى

يا ريت ان محدش يتريق و ده متوقع و لو حتى بيننا و بين نفسنا لكن الامر متروك لكم و اللى عايز يشارك يتفضل و هنحتاج ناس تمسك اى تخصص من الولاد و البنات عشان التنظيم.......

بالله عليكم ارجو الاهتمام

_________________

بلجا لمين فى خنقتى...بلجأ لمين فى شدتى
لحظة ما تنزل دمعتى...ساعة ما تعلى ضحكتى و تضيق عليّ دنيتى...بلجأ لمين!!!
بلجا لمين افضفض احكى شىء تاعبنى لو هموم صابت ابويا او ضاقت يوم على امى
بفرد ايديا لمين و بدعى يفك همى لرب العالمين**الله **

فعلا انا اتناقشت مع طمطم ف الموضوع وهى فكرة جميلة جدا ان يكون لينا دور ونعمل خير ف حياتنا
وانا معاكن يا بناتيت وباذن الله هشوف اللى هقدر اعمله
جزاكى الله كل خير ع مجهودك ف نشر الخير
والى الامام يا مطرقعين علوم حلوان

_________________

الافكار المعروضه جااااامده جدا يا لؤلؤة بس يا ريت انى اعضاء المنتدى يساعدونا فى تنفيذها
بس على فكرة يا لؤلؤة انتى نسيتى الايتام
احنا محتاجين نروح دور ايتام
هنقسم نفسنا مجموعات
يعنى كل مجموة لاتزيد عن 5 افراد
وياريت تفتكروا حديث الرسول (صلى الله عليه وسلم ):((انا وكافل اليتيم كهاتين فى الجنة واشار باصبعيه السبابة والوسطى))
ياريت انى رمضان السنة دى بالنسبة لنا يكون مختلف عن اى سنه ويكون المنتدى ده طريق للخير